巧手製作

Open Now

Now Closed

內容 星期日放假，見近排天氣咁好，秋高氣爽，最好就係約埋朋友去屋企附近行下山吸收下維他命D，對身體都有好處。因為朋友一家已經食左早餐，咁我就買兩個蒸包做早餐邊食邊等佢地喇。去左呢間叫巧手製作，平時都有買開佢地嘅腸粉同飯都好好食嫁。但今次冇得坐，要企定定食就買蒸包算喇。買左菜肉包同叉燒包，熱辣辣新鮮出籠，個菜肉包好鬆軟，餡料都算多有豬肉又有椰菜，比例啱啱好。而個叉燒包如果唔話你知係到買嘅話其實同酒樓係完全冇分別，佢d叉燒有陣獨特嘅燒烤味，加埋蜜汁直情係完美，食兩個係行山前打定個底都好夠飽，食完會合埋朋友就可以出發喇。