小炒皇 (Closed)

來自印尼表妹來港旅遊探親, 我當然帶她來嚐一嚐香港地道小炒,於山林道小炒皇食晚飯,之後可到尖沙咀睇夜景.店裝潢佈置具中國風,十分整潔,也有一般的大排檔格局. ** 點來小食先【紅燒鮑魚多士】黃金上有紅燒的鮑魚,非常好有新意,當然味道不錯.脆卜卜多士遇上彈牙不乾身的鮑魚,兩者味道極之配襯,極之香口.我見台台都有叫這菜,米一於試下**【鐡板黑椒豬手】原隻的豬手好易切開,肉質夠柔嫩及夠滑,略有點咸,而豬外皮部份有好軟綿口感,配上惹味黑椒汁,惹味非常,送飯及送酒一流.表妹想食雞,就點**【皇子一品雞】送伊麵這煲內材料豐富,有竹及已切成幼絲的海參、鮑魚,當然少不了主角雞,皮滑肉嫩,味道不濃不淡剛剛好.可放伊麵落煲,可掛滿汁連料一齊食,十分滋味.**【古法荷葉籠仔蒸班頭腩飯】飯是炒飯底,放上不是太多班頭腩,但班頭腩肉,好肥美味好滑溜,而魚精華滲入飯內,並有荷葉香味,味道清淡不錯.