Yum Cha (Langham Place) (Closed)

我想講整體既用餐感覺都唔良好... 唔知係咪因為响Food Court既原因, 我地已經係經 Openrice 訂位, 去到個服務員仲有Mark低我地到左. 咁由於我地今次係想試佢個放題, 諗住可以式多啲野! 不過原來佢個放題 $158 都無乜野可以食, 咁就唯有加多 $40 變左 $198 囉! 但係居然都仲要唔包虾餃, 仲有好多其他野都唔包既. 如果一心諗住想影下佢啲食物相打下咭既話, 大家就唔好食放題了... 因為大家都見到我影既食物相... 跟普通茶樓無分別, 但係個價錢就係天同地... 老實講可能普通茶樓仲好過佢! 我記得佢初開既時候, 服務同食物既質素都好高, 我都有叫啲朋友去試! 不過經過今次, 我就會叫大家可以唔使去了. 因為可能出左名, 啲食物就 Keep 唔到! 得個樣既包還好... 其他食物同點心, 比得呢個錢, 不如果 W-Hotel 食星宴, 可能大家會有驚喜! 起碼明碼實價, 唔會呢啲又唔比點, 果啲又唔比叫....

第一次黎呢間店, 原來响 Food Court 入面, 冷氣無乜... 可能因為係開放式! 至於裝修就同其他店都差不多! 不過如果有得揀, 我都係寧願去番中環店... 起碼個感覺舒服好多...

2

今次主要想試 "ALL YOU CAN EAT" 想點就點.... 但係事實並唔係你想點就點. 因為如果你食呢個 "想點就點" 首先就係唔可以賺里數.... 哇! 但居然係唔會有人同你講, 直至到賣單同佢講 [我想賺里數] 但佢會回你 [無嫁喎] , 咁即係打算 $2 消費可賺 1 公里 Asiamiles 就幻滅了. 老實講, 我感覺到有點被騙....

1

呢個食物原來叫當你點 [ALL YOU CAN EAT] 就係呢個賣相, 上枱已經唔想食了.

$45

1

3隻$49, 但因為我地二個人去, 所以就係二隻一籠, 呢個品質都仲可以Keep到, 可能係包就還可以

$49

今次食呢個叉飽好唔掂, 裡面真係無乜叉燒, 都係肥肉多, 老實講如果要比 $49 食呢個包, 不如去間好少少既酒樓仲好

$49

呢個係比較有水準既, 味道都可以

$49

唔好食.... 炸唔透! 感覺裡面唔熟

$39

1

一睇都知無咩鴨肉 ... 無乜好講! 不試也罷