星‧68 (Closed)

係中上環呢頭返工好幸福，又有新餐廳開喇，可以同朋友喺疫情前食到，令我回味難忘😌！✨餐廳～星·68，位於中環萬宜大廈嘅地舖，入口喺🚖停車場旁邊，環境優雅，餐廳同畫廊合作，今期有水禾田先生嘅畫擺賣，增添不少文藝氣息！而且餐廳採用open kitchen，見到鑊氣，食都食得有氣氛啲🥰！同餐廳合作嘅仲有～丸手茶作，一人叫一杯台式茶飲，仲免埋茶位費添👍我地叫左個二人午市套餐，再加幾款點心❤️🔆非常推介佢個二人套餐，只係二百幾蚊，已經非常豐富～❤️海參沙葛叉燒粒炒飯 ～第一次食沙葛炒嘅飯，覺得好新穎，食落好似帶少少爽口嘅芋頭咁❤️原隻鮑魚北菇翡翠～鮑魚炆得夠淋夠入味，目測大約係八至十頭size😋❤️鳳梨酸甜肉～有啲似港式嘅咕嚕肉，酸甜適中，採用無骨嘅梅頭肉黎整，無咩根，夠軟滑❤️雙色點心～蝦餃、蝦肉燒賣，每粒都食到幾隻蝦嘅份量，夠晒大粒兼爽口，好足料！就算下次唔食二人餐，都要再encore呢兩款點心😍❤️即日燉湯～每日嘅燉湯都唔同，今日係玉竹響螺燉雞，原盎上，無添加味精，好清甜❤️二小碟～鎮江涼肉和涼拌醃蘿蔔蟲草花另外特別值得一讚嘅係✨燕窩奶黃煎堆～見到啲燕窩多到爆曬出嚟，真係好鼓舞，食完心情都特別靚！另外令我