一哥點故 (Closed)

📍係香港可以飲夜茶既地方🌙，其實真係好少。今次就去左位於銅鑼灣同灣仔中間既一哥點故到試下，上網睇原來元朗仲有間分店叫一哥點心。裝潢唔係行中國風，亦唔似傳統酒樓，偏向時代感，感覺乾淨舒服。點心選擇好多，而且仲有湯可以飲！☕️✔️蒜香蝦春卷 🦐好脆口，入面隻蝦好新鮮，口感同味道都配合得好好😋👍🏻春風得意卷 🌯其實就係腸粉包住春卷，上面有Ｄ蟹籽🍡。賣相好靚，顏色配合得好好，即刻吸引我食左佢先。雖然個春卷俾腸粉包住左，但係春卷仲係keep到脆脆，唔會淋哂，食落去口感好豐富，又有軟滑既感覺又有脆口既feel。極度推薦！🤤🤤🤤✔️南北杏木瓜燉瘦肉 🐖飲落口好清甜😇，感覺好解渴，而且唔會好鹹，唔似出面Ｄ例湯咁。 其他點心都不錯，如果夜晚有時唔想食咁多野，都可以去下🤗🤗🤗