飯意冰室 (Closed)

今日出荔枝角D2 place行街shopping ，行到四點幾，想食個輕便下午茶才回程搭地鐵。途經長荔街，兩旁都有好幾間食肆，見到呢間藍白色瓷磚外牆既茶餐廳幾吸引，餐牌食物都係地道嘢，就試吓喇!🍔魔鬼醬豬扒飽+熱飲☕ $28淨係睇價錢已很吸引，食落口都唔錯喇!豬扒肉質幾彈牙，仲有肉汁。有少許芥末醬及沙律醬，味道剛剛好!🍜咖哩牛腩撈公仔麵+熱飲 ☕ $35牛腩份量都好合理，公仔麵正常發揮，整體都算唔錯。座位好多，都好濶落，行街行到攰攰地，入嚟食個下午茶都幾好。見佢仲有BB椅，帶住小朋友都幾適合。