初芋 (Closed)

之前喺旺角行街已經留意到會開新嘅甜品舖，見到個名已經好吸引，估到都係食芋圓既甜品店，好期待幾時會開，今日出開旺角，就八卦過去睇吓開咗未，點知已經開始試業😍諗都冇諗就入咗去坐低🙈🙈-白雪椰汁初芋露 🥥 同平時食既椰汁芋頭有啲唔同，平時係全椰汁底，佢哋會加咗芋頭入去，變相唔會好稀，芋頭亦都唔會一大舊，整好咗一粒粒細細粒，配埋雲呢拿雪糕🍦，簡直係完美嘅配搭🤤🤤🤤-港式糖水（細) (ABC三項配搭) (三色芋圓、紫薯露🍠、白桃果凍🍑、仙草、芋泥、紅豆） 佢哋可以選擇大細之餘，可以自由配搭要三色芋圓或者係水果味嘅芋圓，之後仲可以揀底部要咩糖水，仲有要邊一款配料～ 本身都驚中伏，擔心紫薯露做底會杰撻撻，好彩食落都唔算伏，芋圓都整得好出色，真係食到有三款味道👍🏻 再加埋一大舊芋泥，食完真係又飽又滿足🥰🥰 下次再去嘅時候，等我試吓水果味嘅芋圓先（有草莓🍓、橙🍊、蜜瓜🍈、藍莓🫐、荔枝同柚子檸檬🍋），感覺幾特別🙈