Video
Read full review
2019-07-10
391 views
吃完點心，沿著彌敦道往油麻地方向進發，先去家樂坊逛一圈，然後再往女人街買些小飾物。行了接近一個鐘，大家都覺得有點累，友人提議去附近找個地方吃點甜，再各自回家。記得廣華街有好幾間甜品店，讓友人逐一挑選，最後揀了這間位於百利達廣場地下 4 號舖嘅「甜牙牙」。店子環境寬敞舒適，店內設有 Private Corner，就算兩口子拍住拖來吃甜品也絕對適合。翻開餐牌，甜品選項非常豐富，有心太軟系列、鬆餅系列、窩夫系列、火焰雪山系列、綿綿冰系列、雪糕船系列、西米露系列、芒果系列、紅豆沙系列、沙冰等，另外仲有一系列供應至晚上八點嘅全日午餐。我睇中咗芒果窩夫配雪糕 ($48)，而友人就對兩極香蕉船情有獨鍾，一於各取所需，然後再齊齊開心 Share。窩夫用料十足，除了有三件水滴形原味窩夫外，還伴有一大球芒果雪糕、忌廉及份量不少的芒果粒。窩夫即叫即製，外層香脆，內裡鬆軟，入口有蛋香，配上甜美的芒果肉、果香十足的芒果雪糕和朱古力醬，非常滋味。至於友人點的兩極香蕉船 ($52) 賣相亦非常吸引，成品用料極之豐富，除了有焦糖香蕉、脆卜卜的朱古力波波、兩片脆餅同船底嘅檸檬味啫喱外，還伴有一球雲呢嗱雪糕和一球朱古力雪
吃完點心，沿著彌敦道往油麻地方向進發，先去家樂坊逛一圈，然後再往女人街買些小飾物。行了接近一個鐘，大家都覺得有點累，友人提議去附近找個地方吃點甜，再各自回家。記得廣華街有好幾間甜品店，讓友人逐一挑選，最後揀了這間位於百利達廣場地下 4 號舖嘅「甜牙牙」。
店子環境寬敞舒適，店內設有 Private Corner，就算兩口子拍住拖來吃甜品也絕對適合。
翻開餐牌，甜品選項非常豐富，有心太軟系列、鬆餅系列、窩夫系列、火焰雪山系列、綿綿冰系列、雪糕船系列、西米露系列、芒果系列、紅豆沙系列、沙冰等，另外仲有一系列供應至晚上八點嘅全日午餐。
我睇中咗芒果窩夫配雪糕 ($48)，而友人就對兩極香蕉船情有獨鍾，一於各取所需，然後再齊齊開心 Share。窩夫用料十足，除了有三件水滴形原味窩夫外，還伴有一大球芒果雪糕、忌廉及份量不少的芒果粒。窩夫即叫即製，外層香脆，內裡鬆軟，入口有蛋香，配上甜美的芒果肉、果香十足的芒果雪糕和朱古力醬，非常滋味。
至於友人點的兩極香蕉船 ($52) 賣相亦非常吸引，成品用料極之豐富，除了有焦糖香蕉、脆卜卜的朱古力波波、兩片脆餅同船底嘅檸檬味啫喱外，還伴有一球雲呢嗱雪糕和一球朱古力雪糕，分量十足之餘亦落足心思，如果加番把紙遮做裝飾就更加完美！
Post
