風月堂 (Closed)

昨晚去完 samsung 取回維修的電話, 之後八時同老公去風月堂食dinner，點知竟然多人到要等成一個鐘才有位，好耐！叫左2款主菜 :海鮮湯意粉 很多人都有點這款，好大碟，海鮮份量都頗多，海鮮種類有:蟹柳、炸魚、帶子、蝦、青口一隻、魷魚、磨菇等，食極都食唔哂，好滿足！:茄汁磨菇腸奄列飯 都係好大碟，雖然D材料好普通，但因為番茄味夠濃郁，令成碟飯生色不少。好好味！主菜之後當然是甜品的時間喇芒果窩夫三文治 個侍應放低個窩夫，d香味已經撲埋來，食落味道非常香濃，又夠脆。未食過咁香脆的窩夫。正!! :鮮雜果芭菲 食完個超好味的窩夫仲未夠喉，再來一個芭菲，要了朱古力味的雪糕，雪糕球非常夠味！整體味道都不錯！結脹時還有優惠咭送，下次可賞咖啡一杯，真好! 為今天的 shopping day 劃上滿足的句號 !整體而言, 這間風月堂的裝修環境幾好，唯一不足是店內人手似乎不足，食完好耐都冇人收碟，不過d待應的態度是不錯的！有機會還會再來