Video
Read full review
2022-11-14
193 views
好耐無食過一間火鍋店，有咁好嘅服務，我哋一入到去坐底，已經覺得環境好好，坐位好寬闊。服務員馬上奉上開胃糖水，令我哋食嘢前，甜一甜，真係好貼心。佢哋有多種湯底可以選擇，我聞到好香麻辣味，所以就點了麻辣湯。另外，見到有花膠雞湯底，重可以飲，所以就叫埋呢個湯底。麻辣夠香，我建食少辣。花膠雞湯真係好出色，好好飲，香濃嘅雞味，加上花膠，勁補身👍🏻👍🏻我同朋友飲晒個湯先再開始食火鍋😍食物方面都有好多選擇：牛柏葉 - 爽口，記得唔好放湯太耐，放麻辣湯更好味。滑牛肉 - 估唔到比肥牛好味，因為佢都重牛味，比較厚身，肥牛太薄，到喉唔到肺嘅感覺，滑牛就可以大啖食，感受到更多牛味，前提係佢哋啲滑牛肉夠靚👍🏻活海蝦 - 新鮮生猛嘅海蝦，配上雞湯，勁鮮味👍🏻鮮淮山 - 紫色加白色淮山，好靚呀😍 又健康，打邊爐必食炸油條 - 炸油條新鮮即炸，上枱時重係熱辣辣，放湯食又得，就咁食又得👍🏻功夫萵筍 - 估唔到佢排到咁靚，好似一朵花咁樣，好睇又好食。美國prime牛小排 - 牛脂分布均勻，肉質嫩口，牛味都好濃，味道比滑牛好，想品常牛肉，可以食牛小排，想大啖肉但又有返唔錯嘅牛味，可以食滑牛肉👍🏻打邊爐又點可以少得飲品，我
好耐無食過一間火鍋店，有咁好嘅服務，我哋一入到去坐底，已經覺得環境好好，坐位好寬闊。服務員馬上奉上開胃糖水，令我哋食嘢前，甜一甜，真係好貼心。
佢哋有多種湯底可以選擇，我聞到好香麻辣味，所以就點了麻辣湯。另外，見到有花膠雞湯底，重可以飲，所以就叫埋呢個湯底。
麻辣夠香，我建食少辣。花膠雞湯真係好出色，好好飲，香濃嘅雞味，加上花膠，勁補身👍🏻👍🏻
我同朋友飲晒個湯先再開始食火鍋😍
食物方面都有好多選擇：
牛柏葉 - 爽口，記得唔好放湯太耐，放麻辣湯更好味。
滑牛肉 - 估唔到比肥牛好味，因為佢都重牛味，比較厚身，肥牛太薄，到喉唔到肺嘅感覺，滑牛就可以大啖食，感受到更多牛味，前提係佢哋啲滑牛肉夠靚👍🏻
活海蝦 - 新鮮生猛嘅海蝦，配上雞湯，勁鮮味👍🏻
鮮淮山 - 紫色加白色淮山，好靚呀😍 又健康，打邊爐必食
炸油條 - 炸油條新鮮即炸，上枱時重係熱辣辣，放湯食又得，就咁食又得👍🏻
功夫萵筍 - 估唔到佢排到咁靚，好似一朵花咁樣，好睇又好食。
美國prime牛小排 - 牛脂分布均勻，肉質嫩口，牛味都好濃，味道比滑牛好，想品常牛肉，可以食牛小排，想大啖肉但又有返唔錯嘅牛味，可以食滑牛肉👍🏻
打邊爐又點可以少得飲品，我哋叫了 衝上雲霄百香果雞尾酒 及 水仙烏龍檸檬茶，份量非常大杯，食完麻辣正好用嚟解辣。
Post
