每個人消費150蚊就可以優惠價換購1蚊嘅豬骨煲、雞煲、花膠雞煲或者椰子雞煲一款，我哋揀咗雞煲，辣度有得揀，由於朋友唔太食得辣，所以叫左BB辣
川味雞煲
店員會幫手煮個雞煲，好快搞掂就食得，一打開香噴噴，陣陣辣香同芫荽香攻到我鼻，雞件肉大細適中，肉質嫩滑，完全一啲乾嚡感都無，愈食愈惹味同超級香，最後我哋全清食到一件都冇剩🤣
另外我地仲叫左幾款串燒，其中叫左依個招牌金銀蒜蓉燒茄子，辣度揀左小辣啱啱好，蒜蓉味好濃郁，茄子肉好大條，孜然粉香味夾雜其中，超惹味
海鮮大咖
好多款海鮮都齊哂，有廣島蠔、海蝦、青口、斑片、龍蝦、軟殼蟹、大元貝、大連鮑魚、蟶子、美國小龍蝦等等，全部海鮮都好新鮮，食落口感彈牙兼爽口
湯底下面仲有大豆芽、旺菜、蓮藕片同蘿蔔片，煮到咁上下索晒海鮮既鮮味，好入味，一個人二百幾都幾抵食，兩位起就食到，鍾意食海鮮嘅人必叫
