圓苑 (Under Renovation)

🇭🇰Hong KongAverage expense pp: HKD $200-250+📍Address: 圓苑，尖沙咀有一段時間冇食過點心，呢間點心意外出色，令我發現飲茶除咗係孝敬長輩，仲可以係一種享受。侍應招呼態度好好，於時我哋坐低啖左一個悠閒下午。特別推介圓苑蝦餃皇，成粒都係蝦肉整成，新鮮爽口，皮簿餡多，呢個係必點！米網得意腸都好特別，有滑嫩既腸粉包住熱辣辣既炸脆，入面有鮮蝦，多重口感！燒味方面，蜜汁叉燒皇好出色，肥瘦均勻，用火炭燒得好香。酥皮焗餐包，外層鬆脆嘅奶油包，加內層叉燒餡，甜咸交融，趁熱食係一種享受！最後係懷舊芝麻糕，軟糯香甜，煙煙靭靭，為呢一餐劃上一個完美嘅句號。