Video
Read full review
2019-04-19
1136 views
呢間靚靚車仔麵係尖東好多好多年嘅小店，早午晚餐都幫襯過，自問算係長期食客，等我嚟介紹下今次呢碗好得嘅車仔麵🥰🥰由於全店食物不加味精，即使食完麻辣湯都唔口渴；呢度又標明「炸物油每日更換」與及「蔬菜嚴選無公害」，食得出蔬菜係新鮮！like like like！係度叫車仔麵，不時有新菜式，真係要試，因為食過就知一個字：抵！今次揀韓國純紅薯粉，配重慶麻酸辣湯底本身呢個湯底已連幾樣小菜，腐竹、榨菜、花生，加上又香、又麻、少辣嘅湯底，好味道。紅薯粉品質好，因為有靭度，唔會散哂、或易斷，配麻辣湯底，prefect match😋叫咗3個餸：黑毛豬叉燒 - 必食用黑毛豬整嘅叉燒，最吸引係夠淋身，而且唔會瘦猛猛食落乾爭爭。呢度整得恰恰好，叉燒醬汁惹味得嚟甜度適中，因為塊肉靚，輕輕醃下燒得夠時間就已經好食，所以一食就愛上😝海南切雞雞件凍上，有少少花雕雞，但無酒版本；啖啖雞肉，肉質鮮嫩，連平時唔食雞皮嘅我，都忍不住食埋，因為好爽，一d肥都無，呢碟海南雞有5件，$14，會唔會太平😏酒糟豆腐似唔臭嘅迷你版臭豆腐，加秘製醬汁，食到有輕微酒味，少少嘅酒味原來同豆腐都幾夾，呢個配搭有創意，夠新鮮。熱檸檬薏米茶鍾意呢度有
由於全店食物不加味精，即使食完麻辣湯都唔口渴；呢度又標明「炸物油每日更換」與及「蔬菜嚴選無公害」，食得出蔬菜係新鮮！like like like！
係度叫車仔麵，不時有新菜式，真係要試，因為食過就知一個字：抵！
今次揀韓國純紅薯粉，配重慶麻酸辣湯底
本身呢個湯底已連幾樣小菜，腐竹、榨菜、花生，加上又香、又麻、少辣嘅湯底，好味道。紅薯粉品質好，因為有靭度，唔會散哂、或易斷，配麻辣湯底，prefect match😋
叫咗3個餸：
黑毛豬叉燒 - 必食
用黑毛豬整嘅叉燒，最吸引係夠淋身，而且唔會瘦猛猛食落乾爭爭。呢度整得恰恰好，叉燒醬汁惹味得嚟甜度適中，因為塊肉靚，輕輕醃下燒得夠時間就已經好食，所以一食就愛上😝
海南切雞
雞件凍上，有少少花雕雞，但無酒版本；啖啖雞肉，肉質鮮嫩，連平時唔食雞皮嘅我，都忍不住食埋，因為好爽，一d肥都無，呢碟海南雞有5件，$14，會唔會太平😏
酒糟豆腐
似唔臭嘅迷你版臭豆腐，加秘製醬汁，食到有輕微酒味，少少嘅酒味原來同豆腐都幾夾，呢個配搭有創意，夠新鮮。
熱檸檬薏米茶
鍾意呢度有好多奶茶咖啡外嘅選擇，今次試檸檬薏米，甜度適中，檸檬同薏米friend嚟，好飲。
Post
