洪聖街八號冰室 (Closed)

係體育館入面都有冰室，見到都好企理乾淨，地方又闊落，最緊要係近，運動前後肚餓都快脆有野食。好，坐低睇下有咩好食先。招牌素和牛漢堡，個包包好軟熟，裡面素牛好厚切，食落好有texture好有口感，而且仲有芝士蕃茄好juicy香炸雞中翼，炸到熱辣辣卜卜脆，外皮酥脆，雞翼啖啖肉。香蔥滷肉飯，滷肉味道剛剛好，唔會過咸，帶微量肥肉，個汁拌飯一流。素餐蛋三文治，平時茶記食三文治，裡面啲料薄過鬼，呢度真係厚厚一塊素肉，脹卜卜既蛋仲有生菜添。即磨咖啡，咖啡沖得幾好，飲完精神晒。