Video
Read full review
2017-12-17
192 views
如果自問係美食黑洞食不死而又鐘意打邊爐嘅您 「倫哥」岩哂您啦豬先生豬小姐又打邊邊儲脂肪過冬啦 今晚尼到一直口碑不俗嘅「倫哥尚品火鍋私房菜」烚下烚下無限時任食火鍋套餐十分豐富吸引 鮑魚 雞煲 燉湯 刺身 火鍋 甜品等等見到menu上嘅菜式名不禁笑左出聲 「鮑你上位」「真的假不了」生動又鬼馬期間限定 送大閘蟹 每人一隻！好多野食呀！不得了！環境四正寬敞 大力一「索」係濃濃嘅雞煲味哈哈八時入席已接近爆場 相當熱鬧大門旁邊嘅大雪櫃裏有汽水 道地系列 韓式飲品 自製涼茶等等 算是選擇齊全「鮑你上位」鮑魚同花菇屬重量級XL size嘅鮑魚炆得軟腍又入味 花菇彈牙盡是蠔皇之味想不到嘅新鮮出現 ！豬小姐一向對火鍋店嘅刺身不抱期待 但尼度冰鎮上嘅刺身夠冰凍新鮮三文魚肥美柔軟 有頭牡丹蝦蝦膏甘香 肉質又爽又彈 帆立貝雪白厚肉無雪氣 質素真心算係咁啊另外wasabi夠嗆鼻 岩哂無「bi」不歡嘅豬小姐時令大閘蟹每人送一隻 色澤油亮 滿滿邪惡的蟹膏令人口水直流 膽固醇up！一開蓋已索到老火靚湯嘅香氣 燉湯足料感覺無味精 飲後頓覺滋補養生 有湯水飲下嘅感覺真幸福阿嫲雞煲可選擇辣度 由bb度辣到大辣都得 愛辣卻不能
豬先生豬小姐又打邊邊儲脂肪過冬啦 今晚尼到一直口碑不俗嘅「倫哥尚品火鍋私房菜」烚下烚下
無限時任食火鍋套餐十分豐富吸引 鮑魚 雞煲 燉湯 刺身 火鍋 甜品等等
見到menu上嘅菜式名不禁笑左出聲 「鮑你上位」「真的假不了」生動又鬼馬
期間限定 送大閘蟹 每人一隻！好多野食呀！不得了！
環境四正寬敞 大力一「索」係濃濃嘅雞煲味哈哈八時入席已接近爆場 相當熱鬧
大門旁邊嘅大雪櫃裏有汽水 道地系列 韓式飲品 自製涼茶等等 算是選擇齊全
「鮑你上位」鮑魚同花菇屬重量級XL size嘅鮑魚炆得軟腍又入味 花菇彈牙盡是蠔皇之味
想不到嘅新鮮出現 ！豬小姐一向對火鍋店嘅刺身不抱期待 但尼度冰鎮上嘅刺身夠冰凍新鮮
三文魚肥美柔軟 有頭牡丹蝦蝦膏甘香 肉質又爽又彈 帆立貝雪白厚肉無雪氣 質素真心算係咁啊另外wasabi夠嗆鼻 岩哂無「bi」不歡嘅豬小姐
時令大閘蟹每人送一隻 色澤油亮 滿滿邪惡的蟹膏令人口水直流 膽固醇up！
一開蓋已索到老火靚湯嘅香氣 燉湯足料感覺無味精 飲後頓覺滋補養生 有湯水飲下嘅感覺真幸福
阿嫲雞煲可選擇辣度 由bb度辣到大辣都得 愛辣卻不能吃辣嘅我地揀左bb辣
食法係每兩分鐘揭開煲蓋攪拌防痴底 一共四次 八分鐘後 食得！雞肉煮得入味香口 配上惹味配料 芫茜 乾蔥 蒜頭 微焦帶微辣 重點係可以無限refill雞肉 不過可能煮得過耐 令肉質硬實不夠嫩
反而配角們豬皮 魷魚 牛柏葉完全吸收哂精華 爽口又索味食完雞煲後當然到火鍋啦
湯底方面我地揀左艇家蟹鍋 顏色鮮豔茄紅 有蟹 蕃茄 薯仔 粟米 洋蔥 菇菌等等 帶微微胡椒香 味道天然 開胃又暖肚 不過認真覺得似蕃茄薯仔湯
吸睛嘅海鮮拼盤出沒注意 是日海鮮係蟶子 海蝦 鑽石蜆 刀貝 龍躉片 脆鯇片等等 包羅萬有海鮮新鮮有光澤 一烚一食食盡鮮味
牛頸脊係嚴選部位 係牛頸至牛膊中間嘅肉 尼個部位由於郁動得多 肉質會更細緻結實 肥瘦適中
入口肉質腍而嫩滑 牛味出眾 脂肪分佈均勻 如雪花般滿佈 肉質鬆化充滿脂香
任食配料方面有丸有餃 豬小姐喜歡麻吉燒 沙律丸同韭菜餃 豬先生則喜歡爆芝牛丸同自家製雲吞
有驚喜嘅係黑白雙剎嘅墨魚滑 墨魚滑彈牙富嚼勁 加入軟骨在內 咬落更有層次感可惜食得太飽 否則一定encore
蔬菜藍有四到五款蔬菜 例如有娃娃菜 小棠菜 油麥菜等等 菜一定要食 吸收纖維 否則無暢通便便哈哈響鈴魚皮果然低鹽少油 炸得乾脆不油膩 感覺不太熱氣
甜品燉奶微暖 水感幼滑 各位靚靚必食 係乾燥嘅冬天滋陰一下用料高質唔會hea 員工殷勤有效率
包您食到捧住大肚腩滿足離開豬先生豬小姐表示今晚用餐經驗相當滿意
Post
