巨人冰室 (Closed)

今天和同事在太子做完嘢，肚餓就喺附近搵嘢食，見 巨人冰室幾懷舊，就行入去啦。侍應有禮，牆上畫係舊香港，馬路旁是玻璃窗，剛望到对面警署，原來也有一幅長長的塗鴉牆，都幾靚，加上少少幻想，好似回到從前。侍應推介香酥鴨餐，它有例牌和半隻選擇，我們点了例牌，幾有趣，它好似北京填鴨咁，自己用薄餅皮，加上青瓜絲和葱絲，再將炸得脆脆嘅香酥鸭点埋海鲜醬包住食，濃味嘅醬連清甜蔬菜加埋脆口的鸭一齊食，不錯，可惜薄餅只有4片，餘下的鸭只可以當餸食啦。另外叫了金莎芝士撈麵 邪惡嘅選擇，配雞扒、多士、火腿炒雙蛋，估吾到有好多芝士，芝士一定要趁熱撈好呀，雞扒霖身也不乾，至於火腿炒蛋就正常啦。有很多款晚餐，我們揀了瑞士乾炒牛河 所有冰室兵家必爭之地，粉炒得乾身，條條分明，牛肉霖，色澤剛好。餐茶叫了杯熱奶茶，舊式茶餐廳，奶茶是很重要的，奶茶色澤不錯，不會太多奶，試落口，沒有苦澀味，夠滑夠纯，不錯。環境寬敝整潔，侍應有禮，又有懷舊feel，平均$55一个晚餐，味道也不錯。