The Stadium (Closed)

係觀塘工業區原來有間大型西餐廳，以運動做主題，非常適合放工同朋友一齊睇波飲酒，仲有桌球，美式足球機玩真係玩味十足。擺設設計好有nba style ，好想睇番場明星賽!!! 叫左個炸物拼盤，勝在多款式，水牛城雞翼，粟米球，mozzarella 炸芝士條，雞塊，魷魚圈同洋蔥圈，配他他醬，酸忌廉，酸辣汁，藍芝士汁，好啱一路睇波一路同朋友飲啤酒，食炸物。最正係拉絲芝士條，滋味十足。主菜叫左肉眼扒，五成熟火喉剛好，肉質夠juicy, 牛肉味濃，有炭烤香味，配煮過嘅磨菇燒汁，下面有大量炸薯角同四款烤蔬菜，兩個人分飽哂。食飽可以活動下，有標準size嘅桌球枱，設備齊全，仲有一個美式足球機可以同朋友玩，真係可以玩一番餐!場地氣氛好好，價錢合理，服務亦不錯，坐位充足，如果下次朋友想睇波一定會提議黎呢度。