Video
Read full review
2011-11-21
6 views
呢間餐廳，其實我在中學時代食第一次，當時是窮學生，覺得價錢接受到，到而家做左媽媽，覺得呢間簡直係抵到唔知點講嘅西餐！其實第二次去食，我已經係結左婚，老外成日話元朗冇野啱佢食，我先醒起呢間野。於是每次我都叫佢打電話book位。唔book好難會有得walk in。咁加加埋埋應該食過6-7次喇。經過多次經驗，最抵食一定係：4oz tenderloin套餐 $68，叫左兩set:是日餐湯係煙肉椰菜cream soup,好smooth好milky。件牛柳好似女仔拳頭咁大，我request左跟薯角（其實如果你鍾意蒜頭味，佢D薯蓉都OK架，老外話）牛柳叫左medium熟,一切軟林林，中間深粉紅色冇血水，唔韌好好味！薯角唔會燶，係有汁所以入味！跟一塊烤茄子，好juicy啊！！連唔太鍾意茄子嘅我都覺得超好味！餐飲跟左ice tea，不過不失。其實平時我會跟凍朱古力，但飲飲下發覺同nesquik一樣味架！呢個餐份量啱女仔，所以老外另外叫多個雞burrito $68，第一啖好味，多汁又cheesy,跟住食食下麻麻地。下次唔叫。以前有食過T-bone餐$78，嘩係超超超大塊！不過半塊林半塊韌，我諗T-bone
其實第二次去食，我已經係結左婚，老外成日話元朗冇野啱佢食，我先醒起呢間野。於是每次我都叫佢打電話book位。唔book好難會有得walk in。咁加加埋埋應該食過6-7次喇。
經過多次經驗，最抵食一定係：
4oz tenderloin套餐 $68，叫左兩set:
是日餐湯係煙肉椰菜cream soup,好smooth好milky。件牛柳好似女仔拳頭咁大，我request左跟薯角（其實如果你鍾意蒜頭味，佢D薯蓉都OK架，老外話）牛柳叫左medium熟,一切軟林林，中間深粉紅色冇血水，唔韌好好味！薯角唔會燶，係有汁所以入味！跟一塊烤茄子，好juicy啊！！連唔太鍾意茄子嘅我都覺得超好味！餐飲跟左ice tea，不過不失。其實平時我會跟凍朱古力，但飲飲下發覺同nesquik一樣味架！
呢個餐份量啱女仔，所以老外另外叫多個雞burrito $68，第一啖好味，多汁又cheesy,跟住食食下麻麻地。下次唔叫。
以前有食過T-bone餐$78，嘩係超超超大塊！不過半塊林半塊韌，我諗T-bone就係咁架喇。又食過fish & chips $78，都OK嘅，係好林滑果種魚，我唔鍾意呢種，都係響英國食開嘅實肉冇魚味嘅啱我多D！又食過burger餐，老外話個burger太dry,唔夠homey's cafe好食（只係行兩步嘅不遠處）。
環境我覺得唔錯，只係略為地方細又日日爆場所以較嘈，想浪漫就唔好咁孤寒喇，去wooloomooloo鋸飽佢啦。服務態度我覺得佢地好friendly好快手！食完又有cheesecake送！
兩set tender loin dinner + chicken burrito + hogaarden beer = $232, really cheap!冇加一所以埋單$260,仍然超值。
總黎講，元朗食扒就一定去new york!
Post