森堡美食

Open Now

Now Closed

次次同朋友去天水圍唔知食乜既時候都一定推薦食呢間 今次都唔例外。以食焗餐為主。平時好少地方會有炸物拼焗飯/意粉 但呢到做得到咼自選一個主菜一個配菜 炸魚柳配香腸黑椒意粉等左10分鐘左右就有得食，先講個魚柳 ，都算大塊 而且仲幫你切件 一咬落去就已經聽到"索""索"聲，外皮脆卜卜，熱辣辣， 入面魚柳肉滑 炸得岩岩好！如果有埋沙律醬就更加正意粉+黑椒汁簡直係絕配 除此之外仲加左d芝士 係芝士唔係芝士粉！撈埋落d意粉到特別好味特別有口感 非常好咬口 一d都唔碎 而且每啖都食到絲絲既芝士 本人唔係芝士愛慕者 但今次實在唔抗拒！perfect match！食完真係lam lam利，份量剛剛好 食完飽飽的期待下一次再尼^_^提醒大家:::11點後先有架咋