入到餐廳，環境乾淨企理，店員溫柔有禮，笑容好溫暖，（即時加哂分😍）一坐低即刻嗌左主打既明星麵，明星麵有：蘿蔔，豬紅，魚蛋，魚皮餃，豬頸肉加上豬腸，牛肚，冬菇，雞翼尖，魷魚，香辣齋，油菜⋯應有盡有，再加上自家制獨門秘方——辣汁😋十分豐富，蘿蔔系車仔麵既靈魂，好食既車仔麵就系：蘿蔔煮到岩岩好，唔會硬到咬唔落又唔會太腍，冇渣仲好清甜🤤彈牙魚蛋襯埋鮮甜豬紅簡直系絕配👍唔知點解車仔麵一定要食牛肚同埋豬頸肉，「搵啖食」呢2款餸都做得非常出色，爽口之餘仲好入味🤤（又加分👍）雞翼尖煮得好腍好入味，吮得好過癮🤤豬腸唔會太肥，抵讚👍再加埋獨家秘制既辣汁好特別，夠辣之餘系出面系食唔番，食完會掛住😘系成碗麵最吸引既地方😍用冬菇點辣汁食仲更加惹味😋車仔麵精髓除左蘿蔔就緊系湯底啦！最後撈埋辣汁再飲啖湯，湯底不算咸，香辣之餘仲帶點清甜👍
加場老闆親自特制——香煎腸粉&長洲大魚蛋+獨家秘制辣汁豬皮🤩🤩
香煎腸粉：甘大個女第一次食到甘特別既腸粉👍外脆內軟，再加上甜醬麻醬，好食到非筆墨能形容😍請大家自行前來一嚐😝
長洲大魚蛋彈牙之餘再加上爽口入味既辣汁豬皮簡直系錦上添花👍（影相的時候已偷食了一粒😂）
