牛太 (Closed)

前排天氣太凍，日日打邊爐都打到厭倦，所以同班fd諗住搵間食燒肉嘅放題試吓！平時都成日行呢個商場見到呢間環境好靚既燒肉放題，一直都想試吓咁岩今日行街經過見到又唔算太多人，而且價錢又唔係好貴！所以就即興試吓🤓佢呢期推出左個新派燒肉放題，有分幾款既價錢，而我小試牛刀就揀左個$288華美清馥燒肉放題😄坐底之後發現每一張枱都有一部ipad俾客人點菜，非常方便，而且肉嘅種類都好多，任君選擇！岩曬我呢個食肉獸😆點完菜單之後，等左一陣陸陸續續已經到齊，開餐！😋非常推薦叫薄切牛肴肉，入口即溶🤩食到停吾到其實我幾中意個燒爐，好工業風！🤩除咗燒肉之外其實都仲有好多其他嘅小食仲有個石頭鍋飯值得推介👍🏻食完正處，又係第二個胃出動既時候😌甜品！真係好中意牛太既裝修同環境，裝修嘅風格正正係我最愛既工業風，而且坐得好舒服，非常適合同朋友過黎chill住食燒肉！😎我都估吾到288呢個價錢可以食到錦高質既燒肉，絕對可以揾到係日本食和牛既感覺！我同朋友以經傾好下次黎要食最貴個個和牛燒肉放題！一定又再次感動到我💕