難食到第二次要喺呢度寫食評
真心唔知點解啲《好評》可以多到咁？
我都有睇下差評先去
諗住《好評同差評》既距離差咁多
應該未至於差成咁掛
原來所有差評先係真實食評😷
真係旺角兆萬任何一間放題都好食過佢
總之叫完第一輪肉
已經唔想叫第二輪
諗住叫牛油金菇食下
一個蛋撻咁大既錫紙兜裝
啲金菇碎濕濕(無誇張，嗰度得一啖)
無論你叫幾多
我地兩個人都係食同一兜
韓牛壽司就直頭成日叫極都無黎
當時星期日晚個場已經好少人唔爆
唔知佢漏單定突登唔黎
成日見周邊啲人都催漏order
最後我係無食飽就埋單離開嚕
返屋企食其他野算了
我都唔講咁多
其他差評已經寫哂我想講既野
