Chotto Maki (Li Yuen Street West) (Closed)

今日去開港島區行山，於是乎就揀咗呢間食卷物嘅Chotto Maki。之前一路都好想食呢間，因為有朋友介紹話呢間嘅卷物十分出色，除咗餐廳預設嘅大小卷物之外，仲可以自己因應個人喜好去整屬於自己口味嘅卷物，當中除咗可以揀醬汁之外，仲可以自選肉類、蔬菜、脆脆等，好適合一啲腌尖嘅朋友。一場黎到，冇理由唔自己整返個卷物食，我同女朋友首先就揀咗個鰻魚，蘆筍、牛油果、松露蛋黃醬加黑芝麻醬。佢嘅醬汁很出色，濃郁嘅黑松露十分惹味。成個配搭連埋櫻花蝦嘅脆口，口感同味道都一流。另外再叫咗帶子吞拿魚細卷物，配合黑芝麻醬，整體出嚟有意外嘅驚喜。仲有佢嘅牛油果三文魚軟芝士細卷物，熟度剛好嘅牛油果，配合軟綿綿嘅軟芝士，再加上三文魚嘅鮮味，將所有食物嘅味道推上一個更高嘅層次。今次食得好滿意，下次行山都會嚟呢間度食完再出發咁一定有一個美好嘅開始。