今日嚟咗頑固壽司試一試佢！
地方唔算好大不過座位都好舒適，唔會迫迫夾夾，食日本嘢最緊要食得舒服
見到個餐牌密麻麻都唔知食乜嘢好，樣樣都想試真係魚與熊掌！最後懶得諗都係直接叫個壽司拼盤八貫，朋友就叫咗個海鮮魚生丼！
好耐未食日本野食得咁開心啦，都唔使我講你睇到張相就知道啲魚生係幾咁出色啦，粒粒都反晒光之餘仲勁高油份，真係未食先興奮！
最想推介俾大家就係佢個鰻魚壽司同埋海膽壽司，鰻魚壽司個鰻魚勁鮮味，而海膽壽司係鮮甜嘅一啲苦澀味都冇！
另外想提多一提就係，侍應好貼心咁同我地介紹左個玉子只係用咗好多唔同嘅材料製造，例如有淮山咁同外面嘅唔同，食落去有少少似海棉蛋糕都幾得意！
朋友叫嘅呢個魚生丼都唔需要我講太多啦！都係果句一食落去就同我講話好新鮮喎
費事讚得太多，你哋自己睇相啦！埋單先至$400多d，呢個質素想去邊度搵
