極上帝王水產

Open Now

Now Closed

今日做野忙到lunch都無食，決定要放工食返餐勁，於是一於揀食放題，就近近地去左旺角呢間帝王水產放題呢度新裝修，環境唔錯。一黎到佢會放一份生蠔同海膽，兩樣都都幾新鮮。之後就嗌刺身拼盤，三文魚厚切肥美，赤具爽得黎鮮甜，仲有鮑片幾款蝦墨魚等等，全部都有中上質素，我膽朋友足足食左三盤。除左刺身當然要食下啲熟食，點左炒豬頸肉，出奇地係有啲甘香幾特別。烤羊架就水準之內，有薄荷香草汁幾正。同朋友一人一個手卷，軟殻蟹手卷同海膽手卷都幾高質，唔會話好多飯食飽個肚仲有芥末八爪魚攻下個鼻好爽佢仲有火灸壽司，叫左火灸三文魚同火灸蝦，燒得岩岩好啲入口溶啲油脂出黎，超好食埋單一人都係二百內，我同朋友都好滿意，應該會再黎食。