基隆茶餐廳

Open Now

Now Closed

有一天，我自己一個坐喺茶記食火腩飯，有網友一望隻八邊形碟就認到係基隆茶餐廳，本來我覺得自己係孤獨，突然覺得呢個世界也有知音人。基隆下午茶餐，有豆腐火腩飯，$38。下午茶份量唔太大，火腩有好多件，最重要是有脆皮、腩肉唔硬、無骨，一口一件腩肉，腩肉滲出中年的唏噓。我叫咗杯凍檸茶，望住杯入面黃色既檸檬，有好多塊檸檬，我望唔透，點解啲網民咁勁，望隻碟就認到邊間餐廳。我望唔清究竟呢個世界仲有幾多野我係掌握到，好迷茫。我離開間茶記，俾錢既時侯發覺有個大嬸都食緊火腩飯。我望住佢，佢望住我，我地互相點點頭。我好感動，原來呢個世界仲有人係同我有相同既諗法，大家都係支持小店，總評味道：食豆腐火腩飯要去茶記，是定律；環境：太子特色小店；服務：服務好，上菜快；衛生：可以；價錢：性價比高。參考資料：「火腩飯潮文」，香港網絡大典。