海港薈

Open Now

Now Closed

好耐冇同過班姊妹飲茶。前兩日約咗佢哋十二點去到茶樓，大把位。樓底好高，對住個景好開揚，不過佢到食晏時間坐滿人就會嘈少少。裝修就好靚，但係食物就無一款特別出類拔萃。比較特別嘅係呢一碟桂花鮮淮山，桂花蜜甜甜地襯托著淮山好清新。試咗個臘肉魚肉燒賣原來係鯪魚肉。配搭好特別但係無驚喜。 其他蝦餃腸粉等等都同一般茶樓無咩大分別。我哋一行七人每人125蚊，坐咗大約三個鐘，侍應加水都快手，不過態度可以再好啲。總結係，價錢都算合理。如果就腳就可以去試試，特登去就免喇。