一豚豬手專門店 (Closed)

經過一豚，陣燒肉香味遠遠就聞到，好難抗拒，反正今日唔洗煮飯，就外賣買佢番去試一試。成個櫃都係肉肉肉，不過最吸引我係脆腩卷同埋豬手。跟脆腩卷有黃色芥辣，跟黑椒鹹豬手就係酸甜醬。脆腩卷層皮脆卜卜，Ｄ肉有用醃料醃過，少少鹹香好入味，點唔點芥辣都好食，一Ｄ都唔會覺得漏。至於鹹豬手，我買一整隻，佢會起曬肉，擺得好整齊入盒，條骨都會比番你，屋企人話可以煲粥。鹹豬手雖然係黑椒味，但只係少少黑椒辣味，主要鹹香為主，Ｄ肉好嫩滑好juicy，連埋皮食更多骨膠原，酸甜醬我都冇點過，覺得兩款食物都係原味已經好好食。