本佐日本燒肉料理 (Closed)

朋友告知近期尖沙咀開咗間新嘅既日式燒肉半放題！ 一向係為食肉獸嘅我梗係要去一試究竟😎約$300左右嘅放題比比皆是，但往往燒物嘅選擇唔算好多， 多數都係熟食為主。呢間木佐日本料理款式反而揼本地提供多種燒物選擇，好似有剌身船、海鮮頭盤、黑豚頭盤、和牛拼盤、日本雞肉頭盤等等，仲有A5和牛粒同安格斯牛仔骨添呀😍⠀Menu內仲好細心提供咗醬料嘅選擇，讓客人可以按照個人喜好加入不同嘅調味，讓滋味加分☺👍🏻 ⠀海鮮方面亦有好多 選擇元貝、聖子、大蝦、蜆肉、鯖魚、龍脷柳、 青口等， 部分海鮮會好細心咁附帶一個兜仔畀你放喺爐上面燒，唔會燒到燶曬之餘仲唔怕會影響肉質！肉類始終係呢度嘅主打！ 多種肉類嘅質數都非常高質！我特愛A5和牛粒，油脂甘香、肉質爽口， 任食放題嚟講絕對係唔馬虎👍🏻 ⠀