肉浦團火鍋放題 (Closed)

上個星期去咗通菜街間大排檔食嘢晚飯，見到隔離有一間打邊爐任食，今個禮拜就去試吓🤩餐廳有分三個套餐，最貴嗰個Set C有A4和牛，其次嘅Set B都有M5和牛，全部都係無限時任食，啱晒一班朋友聚會❤️湯底我哋揀咗胡椒豬肚湯，胡椒味都好夠，但係唔會嗆喉。不過湯底唔係主角，牛肉先係牛肉有唔同款式，最欣賞嘅係A4和牛後腿肉，霜降雪花效果明顯，油脂分布均勻，做到入口即溶另外都有啲比較稀少嘅部位，例如牛背峰同封門柳，牛味好重，肉質都好嫩滑。另外，其他非肉類嘅配料都好多，有餃子、蠔、烏冬、花蜆，種類十分多元化。當然唔少得出邊嘅自助吧啦，有唔同嘅炸物，例如響鈴、炸燒賣，仲有唔同嘅小食，例如咖喱魚蛋、瑞士雞翼等。出邊都有好多唔同飲品、蔬菜同埋丸類可以自己攞。