齋啡 (Moved) New Location

齋啡相信大家都唔陌生，雖然唔係好就腳，不過成日都好多人，我偶然都會去買杯咖啡飲，今次見時間多，可以同朋友坐低慢慢食埋野，正☺️泰式新豬肉金不換葉簿餅pizza好好味😋餅底簿而脆，上面舖滿茄子，新豬肉，仲有類似麻薯口感嘅齋芝士，有咬口又特別，加上清香嘅金不換葉，充滿泰國風味。綜合水果、奇亞籽，果昔燕麥碗叫得能量碗，果然勁足料勁重手🤣有香蕉、芒果、士多啤梨、提子乾、果仁，同埋大量果昔嘅燕麥，食落好濕潤好豐富，成碗嘢冇落糖，靠香蕉嘅甜味，好健康。紅絲絨純素蛋糕佢連甜品都係全素嘅，冇落平時食開嘅蛋、牛奶同牛油，所以可以整到味道咁似真嘅蛋糕真係唔容易。蛋糕比上一次食有進步，口感一啲都唔實，同其他食物比起身偏甜少少。抹茶紅豆蕨餅 好好味嘅蕨餅，好煙韌，慢慢咬就會散發出陣陣抹茶味，好香，加埋甜甜嘅紅豆，好啱做飯後甜品。