上一次嚟呢度食已經係同一班舊同學 已經裝修咗
😋今次又帶屋企人過嚟食呢到既特色八色小籠包
1
🟣特色皇朝小籠包(8隻) $148
(原味、漕溜絲瓜、鵝肝、黑松露、芝士、蟹粉、蒜香、川味)
八個味道各有特色 我哋兩個人 每人就試四個味道啦🤭
由淡味至濃味食 好多新奇口味😍 川味對我嚟講最特別
🟣招牌原味小籠包$122
每人四隻一定唔夠過口癮 🤣
叫多咗呢款原味嘅小籠包 一籠有10隻 😍每人食多五隻 爽
🟣蘿蔔絲酥餅$55
外面酥脆裏面一絲絲甜甜嘅蘿蔔絲
味道雖然唔係最突出 但係都係功夫菜 個人幾鍾意👍🏻
🟣上海外婆紅燒肉$118
一份有六嚿五花腩 味道甜甜地 完全唔會油膩
😋煮到啱啱好又入味 絕對值得一試
🟣上海炒年糕 $95
年糕口感煙韌層次分明 既不黐牙又富彈性
配埋豬肉絲、白菜仔、娃娃菜等 鹹鹹甜甜都幾好味
🟣香蕉高力豆沙$62
炸到蓬鬆金黃嘅外皮 內餡包住紅豆沙同新鮮香蕉片🍌
豆沙綿密 香蕉入口即化 👍🏻甜而不膩 係一道開心結尾嘅甜品
