Video
Read full review
2020-08-10
350 views
呢日去沙田搵朋友，諗緊買乜外賣上佢度，壽司同米線都食咗好多餐😯。佢問我想唔想食燒味，同埋話Chop Chop嘅食神叉燒同平日嗰啲唔同㗎喎。我哋去到掙扎叫二人套餐定散叫好，但都係比較想試餐廳嘅名物🤣，其實二人餐幾抵食的。題外話，呢段時期有做外賣自取85折優惠，所以值得一試😉。外賣食物包裝得好好🥡。正宗黯然銷魂飯($79)，個名勁搞噱頭，實則係招牌叉燒飯。一打開我覺得有啲驚喜喎，因為🐷叉燒好整齊咁放一邊，雖然唔大件，但有成十幾件！叉燒應該係腩位，略肥，同傳統食開嘅唔同，別有一番風味。🍚飯上面仲有隻煎蛋添，當然唔少得拌飯嘅秘製醬汁啦，佢唔係一般豉油，甜甜鹹鹹的，唔識形容，但幾特別。食神炒飯($75)，原本我好想叫朋友嗌乾炒牛河，因為已經有叉燒飯，但佢又好堅持要食炒飯，好彩炒飯都好好食😋。飯粒夠乾身，而且用足料炒，有叉燒、蟹籽、蝦肉粒、櫻花蝦同我唔鍾意食嘅青豆🙈。唔好睇個盒細細，其實份量一啲都唔少。燒味雙併($109)，飯以外我哋加咗料要燒鵝拼豉油雞，兩款嘅部位都係大啖肉，係脾🍗，正啊！特別係燒鵝肉好香，無羶味。另外，我哋仲要咗鹹檸七，🍋夠哂入味，無得輸。總括嚟講，呢餐係幾意想唔到嘅燒味餐，依
呢日去沙田搵朋友，諗緊買乜外賣上佢度，壽司同米線都食咗好多餐😯。佢問我想唔想食燒味，同埋話Chop Chop嘅食神叉燒同平日嗰啲唔同㗎喎。
我哋去到掙扎叫二人套餐定散叫好，但都係比較想試餐廳嘅名物🤣，其實二人餐幾抵食的。
題外話，呢段時期有做外賣自取85折優惠，所以值得一試😉。外賣食物包裝得好好🥡。
正宗黯然銷魂飯($79)，個名勁搞噱頭，實則係招牌叉燒飯。一打開我覺得有啲驚喜喎，因為🐷叉燒好整齊咁放一邊，雖然唔大件，但有成十幾件！叉燒應該係腩位，略肥，同傳統食開嘅唔同，別有一番風味。🍚飯上面仲有隻煎蛋添，當然唔少得拌飯嘅秘製醬汁啦，佢唔係一般豉油，甜甜鹹鹹的，唔識形容，但幾特別。
食神炒飯($75)，原本我好想叫朋友嗌乾炒牛河，因為已經有叉燒飯，但佢又好堅持要食炒飯，好彩炒飯都好好食😋。飯粒夠乾身，而且用足料炒，有叉燒、蟹籽、蝦肉粒、櫻花蝦同我唔鍾意食嘅青豆🙈。唔好睇個盒細細，其實份量一啲都唔少。
燒味雙併($109)，飯以外我哋加咗料要燒鵝拼豉油雞，兩款嘅部位都係大啖肉，係脾🍗，正啊！特別係燒鵝肉好香，無羶味。另外，我哋仲要咗鹹檸七，🍋夠哂入味，無得輸。
總括嚟講，呢餐係幾意想唔到嘅燒味餐，依個仲唔係食神滋味🤣？餐廳店員勁好人，好好禮貌，有同我哋介紹佢哋嘅食材，用心經營客人係會感受到👍。雖然我哋只係買外賣，但見到餐廳環境係幾舒服同乾淨的～。
Post
