🍲 壽喜燒湯底製作認真
一坐低就見到師傅好有心思咁準備湯底：先用牛脂抹勻個鍋，再將牛肉煎到七成熟，加入大蔥等配料，最後倒入調製好嘅壽喜燒汁，成個過程好專業，仲傳來陣陣香氣，未開始食已經流晒口水！
🥩 靚牛逐款試
牛肉同海鮮都係落單即點即到，保證新鮮。最正係有日本宮崎縣A5和牛，油脂分布均勻，同壽喜燒湯底超夾，入口即溶！另外仲有頂級美國肩胛肉、澳洲M9和牛肩胛肉、加拿大頂級牛板腱同手切美國封門柳，款款牛味都好出，我特別鍾意牛板腱，嫩滑得嚟牛味濃，encore咗好多次🐮
🦐 海鮮夠鮮甜
海鮮選擇都唔少，有青口、廣島蠔、海蝦同蜆等等。我最欣賞啲海蝦，大大隻又爽口，同甜甜嘅壽喜燒湯底出奇地夾！
🍢 台式小食不能錯過
雖然係食壽喜燒，但佢哋嘅台式小食一樣出色。鹽酥雞、台灣腸、藤椒魚皮、皮蛋豆腐樣樣有，我特別推介台式甜不辣，食完濃味嘅牛肉之後轉轉口味剛剛好。
1
🍧 甜品區超驚喜
甜品區絕對係亮點！有自製刨冰任你配芋圓、白桃、桃膠同愛玉，仲有手工豆腐花、黑糖布丁同任食Häagen-Dazs雪糕，完美結束呢個豐富嘅壽喜燒盛宴👍🏻
1
🍻 飲品任斟任飲
餐廳有啤酒同多款罐裝飲品任飲，食濃味嘅壽喜燒配冰凍啤酒真係一流享受！
📝 總括嚟講，$399呢個壽喜燒套餐真心抵食！湯底製作認真，牛肉質素高，加上款式多嘅海鮮同小食，CP值爆燈。如果一班朋友想慢慢食、慢慢傾，呢度絕對係不錯嘅選擇👏🏻
..............................
牛品台式火鍋
地址📍: 銅鑼灣登龍街1-29號金朝陽中心二期 - Midtown 1樓
總評分: 8.8/10
..............................
味道😋: ⭐️⭐️⭐️⭐️💫
環境👀: ⭐️⭐️⭐️⭐️💫
服務👨🏻🍳: ⭐️⭐️⭐️⭐️💫
衛生🧹: ⭐️⭐️⭐️⭐️
抵食💰: ⭐️⭐️⭐️⭐️💫
