阿久根和牛拉麵屋 (Closed)

之前食過阿久根既立食燒肉，覺得都幾好食今次距地既拉麵店開到黎佐敦，我點都要去試一試距今日見到距地終於掛上試業既牌，拉麵控既我即刻唔使唸，九秒九去試新野依度係用電子餐牌點餐可以用八達通，Ailpay, PayPal 付款但我見有客人想用現金付款，店員都会代為處理黎到和牛拉麵店，梗係食有和牛既拉麵啦我叫左個慢煮A4和牛叉燒，雞肉，豚肉，濃蝦湯拉麵睇圖都見到隻蛋流哂心蛋被醬油浸得好入味豚肉燒得好香口，雞肉亦幾嫩滑塊a4和牛都算幾軟嫩，但係相比起塊豚肉就有啲似變左配角，係碗拉麵度俾我一種可有可無既感覺麵掛湯既能力都幾好，唔会湯還湯，麵還麵上面啲辣粉都幾辣下，可能係我唔太食得辣既關係