冚棒唥 (昌華商業大廈) (Closed)

唔係有依間餐廳，都唔知道冚棒唥係甘寫，依幾隻字講就講得多，寫就真係未唸過點寫行過望到個招牌仲唸梗自已有無讀錯，的確距取名既時候已經贏左心思，好吸引到人注意餐廳裏面既裝修同擺設都令人眼前一亮簡單的白色主調，襯上綠色，令人感覺更加清新整潔加埋啲別出心裁既裝飾物，非常之有文青feel,入到去搞到我都差啲相吟反首詩但係由於小店真係面積唔大，枱同櫈都比較細決定試下距個黯然銷魂飯堡，睇下同星爺果個有咩分別先成個餐有沙律，有薯條，仲有個飯堡其實都幾飽肚我嘗試解構下個飯堡同叉燒飯有咩分別有一塊叉燒，有啲料似食拉面既叉燒，仲有幾條菜，加多隻煎蛋，如果係太陽蛋会好啲，個飯堡有小小焦香，但唔夠粘較易散開不過叉燒堡啲豉油汁做得幾好總括黎講，我覺得味道有改進既空間，但其實我好欣賞依啲年青人小店，夠膽嘗試，花心思去創新我会再去試埋啲意粉距，起碼餐廳個環境令我覺得幾舒服，啲擺設我又好鐘意