築地番本日式放題 (Closed)

返工時同朋友whatsapp好耐無放題，一班食貨即刻有回應，即刻上openrice搵食🙈搵到呢間評價不錯，加上朋友都有話值得一試，收工即刻上嚟食啦😂地方算大，坐得都幾舒服，入座起2.5鐘，可以慢慢食啦！呢間放題好正係有宜家好興嘅蒸氣火鍋，，而且食材都幾新鮮，必食嘅係白貝同蝦，係好鮮甜👍🏻魚生方面也是不失水凖，三文魚也很新鮮，切得大大塊，一點也不吝嗇！甜蝦也是每次放題必點，呢度甜蝦好大隻，啖啖肉，也很鮮甜👍🏻有失水凖的是吞拿魚壽司，很腥，咬落去感覺不太新鮮。值得推薦的還有芝士焗蠔，雖然蠔不太大，但也足夠了，芝士味濃郁。總體嚟講，這也是不錯的放題，值得一試的！