入到去坐低，我地好快就揀好左要食咩啦。因為我鍾意食蜜瓜，所以就揀左蜜瓜西米露。而我女朋友就勁鍾意食士多啤梨，所以就揀左士多啤梨豆腐花。
甜品到左之後就發現同平時既甜品好唔同。因為d甜品好似食緊雪芭咁。又覺得好似食緊沙冰咁。兩款甜品就好夠果味，唔會太淡。另外，蜜瓜西米露係蜜瓜同西米露分開，好有趣。可以因應自己想食幾多就落幾多。而女朋友個款士多啤梨豆腐花，豆腐花既豆味適中，唔會太甜，同士多啤梨既酸甜味很夾。
呢間甜品鋪，朋友真係冇介紹錯。而我都會推介比人去食。因為價錢適中之餘，甜品味道又不錯。得閒都會再去食。最後附上相片兩張(≧3≦)
