Joyful Dessert House (Closed)

喺銅鑼灣食完晚飯行完街又買完衫，食嘅嘢都已經消化晒啦！唯獨是今晚未食甜品，所以行去搭小巴之前，必經之路就會見到 joyful 。獲米芝蓮香港街頭小食推介嘅甜品店，每次一有機會都要來坐低食甜品。一坐低就見到色彩繽紛嘅Menu，通常我都會叫必食推介。必食芒果拿破崙 $64，名氣相當高因為連米芝蓮都推介過，賣相吸引極了。水準非常有驚喜，好吸引的三層高拿破崙，配上新鮮時令芒果，仲有芒果味雪糕球。喜歡食芒果的不能錯過。一層又一層的薄脆鬆化酥皮，中間夾著香滑吉士忌廉，口感細滑綿密，吉士醬跟新鮮芒果味道非常配合，芒果仲好甜，味道層次豐富。朋友就叫咗比利時朱古力慕士伴雪糕 $56，香濃的比利時朱古力，入口軟綿的慕士，實在是幸福的甜蜜。 食甜品果然係幸福的魔法。