跟住又要出返小西灣
見夠時間就喺赤柱，食埋個晏晝先走
一個人都唔知食咩好，本身諗住食茶餐廳。不過啲人排晒隊咁，我就真係唔想等
見到呢度可以望海，人又唔多，又唔使安心出行。
而且唔係太肚餓，食少少小食就夠。
呢度嘅選擇就好適合。
其實佢有意粉有漢堡包有薯條有小食串燒 等。
不過我唔太肚餓，就就咁叫個熱狗加杯嘢飲
其實埋單都$120
如果好肚餓隻熱狗真係食唔飽，不過值得一讚佢隻熱狗真係有即是整返熱，好脆口。
杯嘢飲就冇乜特別，係擺得靚可以打卡
總括嚟講，真係有啲貴，不過食環境坐得舒適就算。
而家呢個秋天嘅天氣一流
坐到唔想走，不過要開工就唯有起身
