Video
Read full review
2008-02-19
21 views
2月14日. 情人節約左女朋友去食晚飯.早早book 左. 同時叫佢比個好D 既位我. (重點係book 位佢唔會同你講比左咩位你)我地6:30 到. 本身都覺得個環境唔錯. 可惜就係比左個勁差既位我. 加上我地多行李. 我女朋友就話無咩所謂啦. 我就當然去問可唔可以換位. 因為booking 果日係電話講好左比個好位我. 個staff 都話ok.點知. 好搵唔搵. 搵左個人我好好禮貌咁同佢講我想換位. 但係我都未講到話你地同事話比個靚位我. 佢就打斷我講野.佢就話無得換. 我指向另一面比較清靜果度問佢點解唔可以換果D 比我. 呢度逼到我坐唔落. 佢話(態度不耐煩):"果一面係客人book 左.唔可以坐!"有留意上面重點既朋友都知道. book 位時佢地係唔會同你講個枱號既,咁你點解要呃我D位係某某專用呢?呢位大佬真係想我知難而退? 我都有係openrice 做足功課.去呢間青葉前. 係openrice 呢度我睇哂全部食評, 因為有食評都話某某員工服務態度差. 哈哈, 我見識到啦. 跟著我同佢講. 陣間唔好比我見到有位無人坐呀(泠笑). 佢無聲出.最後我搵左個大粒D 既經理換位比我.人
早早book 左. 同時叫佢比個好D 既位我.
(重點係book 位佢唔會同你講比左咩位你)
我地6:30 到. 本身都覺得個環境唔錯. 可惜就係比左個勁差既位我. 加上我地多行李. 我女朋友就話無咩所謂啦. 我就當然去問可唔可以換位. 因為booking 果日係電話講好左比個好位我. 個staff 都話ok.
點知. 好搵唔搵. 搵左個人
我好好禮貌咁同佢講我想換位. 但係我都未講到話你地同事話比個靚位我. 佢就打斷我講野.
佢就話無得換. 我指向另一面比較清靜果度問佢點解唔可以換果D 比我. 呢度逼到我坐唔落.
佢話(態度不耐煩):"果一面係客人book 左.唔可以坐!"
有留意上面重點既朋友都知道. book 位時佢地係唔會同你講個枱號既,咁你點解要呃我D位係某某專用呢?
呢位大佬真係想我知難而退? 我都有係openrice 做足功課.去呢間青葉前. 係openrice 呢度我睇哂全部食評, 因為有食評都話某某員工服務態度差. 哈哈, 我見識到啦. 跟著我同佢講. 陣間唔好比我見到有位無人坐呀(泠笑). 佢無聲出.
最後我搵左個大粒D 既經理換位比我.人地好爽快無say No 就換左.態度都幾Nice,呢D就係點解佢可以做經理. 你點解要做散仔既原因.
最好笑既係. 唔知係唔係個經理知道左佢態度差. 我聽到有個女員工同佢講:你陣間係唔係要去照肺丫.....?
佢就好勞氣j 聲答: 照咪照lor!
唉. 都唔知係唔係要講比我聽. oh~you are so funny!
抱怨完了. 談談食物吧!
魚生出得快. 可惜第一碟有雪味.
炸物只有炸冬菇好!其他超厚炸粉...(超厚SK2嗎= =ll)
炸(定係煎?)三文魚頭值得一試!
燒魷魚係好味....不過好難咬.
肥牛煲一定要食.
飲品推薦黑加倫子, 似係有氣利賓納.
價錢ok, 就價錢黎講. 食物質素係中上.希望可以保持.
服務態度方面. 我唔想對號入座. 始終有好多員工都好nice. 自動自覺幫我地換碟. 吹order 時都好幫得手.
但某一些食品出得真係好慢. 我等左一個鍾先到...
係魚生出得快.
老實說. 現今好食.水準可以保持的日式放題不多.
希望貴餐廳好好保持食物質素, 和加強人材的培訓,
不要因為某某員工令貴餐廳招來負面影響.
P.S 當我換座位後10 分鐘.
我原本既位置就有人客就坐.
所謂轉位唔轉位. 技術上一定做到,
說穿了只不過有人怕麻煩吧.
我無心要點你相. 有心可以影你相.
不過你同事大大聲叫你個名. 我唔通唔記住你咩!
"呀光"!
Post
