百樂門宴會廳 (Closed)

話說呢間酒樓,星期六日食比平時要便宜,之前食過好幾次,食物質素ok,衛生OK。今日差唔多十點半去到,門口話無位,要等一陣,等到十點四十五分,我落樓睇下座位情況,原來有幾枱吉咗,跟住我上返去問門口,佢話樓下無call有枱,可能未執好,於是再等,等多5分鐘左右,老婆忍唔住落多去一次,直頭坐低咗,當時十點五十五分,服務員拎咗碟午巿小吃黎,我跟住搵經理問,經理話十點五十五分要擺午巿小吃,我講返比經理聽: 我十點半黎到,你地唔比位我入,而家啱啱十點五十五分,拖都拖到午巿先比位,我仲要係五十五分前自己坐低。經理唔肯收返小吃,死都要計我午巿入坐,仲話:呢d係公司規定,你地可以選擇唔食。跟住我就唔理佢,算數,食得咁受你氣,我情願唔食。我坐210號枱,今日經此事後,決定以後唔入百樂門酒家集團食飯飲茶。建議食客唔好十點半以後拎飛排隊,直接衝入去自己拎位會好d。同埋早茶時段D點心係幾低食...