Video
Read full review
2017-10-03
673 views
臨近中秋，去咗利東街欣賞英國藝術家嘅一個巨型月亮展品，所以順道到附近QRE Plaza 25 樓嘅一間西班牙餐廳Espuma食晚飯。之前去過Espuma尖沙咀嗰間分店食過，覺得食物質素好好，所以今次來灣仔呢間新鋪試吓。知道今日係假期，所以特登未夠六點半就已經嚟到。當時好多位未有人入座，但侍應話多數都被book咗，但我們最後都被安排到一張枱，起初話只有約40分鐘用餐時間😱，後來話可延長至一個鐘！我們確實沒有預先訂枱，所以只好接受。餐廳座位比尖沙咀嗰間多，近門口長枱木橙的適合大顆兒坐，而入面一列梳化卡座則可供二至四人坐，地方都算幾闊落，以木色為主，裝修都幾典雅舒適，燈光柔和，好適合一邊食嘢一邊傾計。枱面碗筷擺設亦好講究，連濕紙巾和牙簽套都是同一系列，好靚好夠心思！醬燒豬肋骨配薯條 （$168-）👍豬肋骨醃料野味，肉質食落鬆軟吾乾! 薯條脆卜卜！烤蝦蕃茄豆板醬意大利麵 （$118-）👍烤蝦夠彈牙，去埋殻夠細心，意粉辣辣地夠醒胃！黑毛豬薯蓉球 （$88-）👍賣相吾錯，薯蓉球外面脆脆地，內裏軟綿綿，加埋黑毛豬片一齊食好夾味，如果黑毛豬片稍為大快D就更正啦！彩虹麻糬窩夫配焦糖醬雪糕 （$88-）👍
餐廳座位比尖沙咀嗰間多，近門口長枱木橙的適合大顆兒坐，而入面一列梳化卡座則可供二至四人坐，地方都算幾闊落，以木色為主，裝修都幾典雅舒適，燈光柔和，好適合一邊食嘢一邊傾計。
枱面碗筷擺設亦好講究，連濕紙巾和牙簽套都是同一系列，好靚好夠心思！醬燒豬肋骨配薯條 （$168-）👍
豬肋骨醃料野味，肉質食落鬆軟吾乾! 薯條脆卜卜！
烤蝦蕃茄豆板醬意大利麵 （$118-）👍
烤蝦夠彈牙，去埋殻夠細心，意粉辣辣地夠醒胃！
黑毛豬薯蓉球 （$88-）👍
賣相吾錯，薯蓉球外面脆脆地，內裏軟綿綿，加埋黑毛豬片一齊食好夾味，如果黑毛豬片稍為大快D就更正啦！
彩虹麻糬窩夫配焦糖醬雪糕 （$88-）👍
麻薯窩夫煙煙靱靱，質感有別於傳統的窩夫，好有咬口，顏色夠鮮艷，配埋冰涼的焦糖雪糕一齊食，一冷一熱食，食到停唔到口。
食物質素好已經唔需要多講，唯一太可惜嘅就係時間超短，只有一個鐘，食得好趕！好趕！我哋已經超快地落order,廚房出菜亦出得超快，但係侍應收碟的速度更超級超級快，剛放下刀叉，隻碟已經迅速俾人攞走咗😅食物未落格，侍應已經好有效率地問食物齊吾齊，成件事比我嘅感覺就係好趕！好趕！好趕！ Too bad 👎🏻 認真浪費咗個咁好嘅用膳環境和咁美味嘅食物！無計啦，唯有下次記得訂枱啦！
Post
