朋友食日式放題食上癮，今次又食下唔同餐廳嘅放題😜呢間唔係平時嘅連鎖放題店，所以D食物款式有D唔同，呢到有3個價錢選擇$218/$268/$318起，今次我地平日指定入座時間極盛放題($318/每位)，另收加一，任飲任食2.5小時近100款美食，食物類別主要分左壽司/卷物/手卷、刺身、鐵板燒、串燒/燒物、炸物、一品料理、和風沙侓、日式火鍋類，落單MENU清楚易明👍🏻
座位空間都算闊落，同朋友傾計都唔怕會畀隔離聽到晒😁
出面自助拎室溫/冷凍飲品、雪糕、雪米滋
極盛放題每位送上鐵板大蝦一隻，燒得好香，而且大蝦夠大隻同新鮮，食落肉質鮮甜彈牙🤤
壽司：款式選擇都唔少，不過留肚試下其他野所以唔叫咁多😆帆立貝加州反卷、芒果炸海老卷都幾好味，D飯唔會一夾就散👍🏻
食物陸續送上，非常豐富🤩
刺身：油甘魚、劍魚、甜蝦、帶子、北寄貝、墨魚、八爪魚、三文魚、希靈魚、蠑螺、魚立魚、酢鯖魚、鮑片、白玉豚，有好多款，我全都要😎食落肥美，冇咩雪藏味，最正係帶子同埋甜蝦，鮮甜無比😍
鐵板燒：安格斯西冷扒係極盛放題先至有，當然一定要點黎食，燒得好香，肉嫩唔韌😋鵝肝太邪惡，入口即溶🤤大蝦ENCORE好幾次👍🏻魷魚鬚口感唔錯，滋味小食😋帶子除左刺身之外，鐵板燒香之後都一樣咁正😉
串燒/燒物：由左至右分別係秋葵、雞肉丸串、日式海螺串、燒雞腎、燒牛舌、豚腩串，如果去串燒店瘋狂食串燒埋單就好貴，呢到任食就唔驚OUT BUDGET😜燒得好香口，唔會過左火而燶或者柴😄雞肉丸串肉味幾香濃，燒牛舌、雞腎咬口唔錯😉
燒鱈魚片：薄薄脆脆燒得好香，食唔停嘅小食，必食之選🤩
炸物：炸池魚仔、炸生蠔、炸八爪魚丸，炸得香脆滋味
炸物：海老天婦羅、多春魚天婦羅、冬菇天婦羅、青椒天婦羅、茄子天婦羅，炸粉醬唔會厚，新鮮滾熱辣炸出黎所以勁香口😉多春魚勁多魚春好正😋茄子有驚喜，佢切好多片狀再炸，所以唔會得出面炸熟而內裡硬身，茄子同冬菇一樣食落好JUICY😍
溫泉蛋沙律：成餐食得太多肉，要食返D沙律幫助消化下😛
飲品當中我幾中意隻韓國牌子SPARKLING WATER，青檸味清新，去一去油膩感👍🏻
甜品：最後其實已經食得太飽，不過都要食埋雪糕同雪米滋先夠圓滿😝
呢到比起一般連鎖放題，鐵板燒食物水準更為出色，同埋D食物種類都有D新意思😉上菜速度都算OK，而且都冇乜漏單情況，出得齊👍🏻另外職員收碟都算快手，同埋會主動幫手換放左殼嘅碟，幾NICE👍🏻
1
補MENU
