Video
Read full review
2015-04-28
458 views
個日係k11行完街出到黎，想搵個地方撐枱腳，就見到棉登徑轉角位有間白色小屋，原來係一間法國小餐廳。餐廳以白色為主調，幾浪漫，好公主feel。雖然地方唔太大，但環境好舒服，燈光柔和。牆上有d白色雪紡小燈罩做裝飾，天花板又有水晶吊燈，感覺似貴價餐廳。哈哈，佢地仲有播住d好舒服既音樂，但未聽過呢類歌。我問侍應係咩歌黎，竟然係1928年d古典懷舊英文歌，岩晒d緩慢，慵懶既生活節奏。咁我首先點左杯Cocktail，餐牌上寫住推薦飲品，咁唔洗諗就梗係試下啦，叫Corner Blood。個味似橙汁味，水吧話幫我調甜左，因為我中意飲甜d既酒，有d whisky同gin既酒味。味道幾特別，有西柚汁個種爽口既清甜，岩晒唔係太喜愛重酒味既女士。到Appetisers啦，係香煎法國鵝肝。個鵝肝煎得恰到好處，多士好脆，內外鬆化，一齊咬落去就岩岩好平衡左塊鵝肝既油膩感。伴碟仲有柚子汁，有清新香味，點一點黎食，為鵝肝多士加添左新清既果味。湯方面我個人經常飲忌廉湯，所以要求比較高。呢個湯係廚師極力推介，一試果然唔係呃我，未飲過咁濃口感既忌廉湯，多磨菇，牛油味重，勁creamy,有奶味既感覺，係我飲過最creamy既忌
個日係k11行完街出到黎，想搵個地方撐枱腳，就見到棉登徑轉角位有間白色小屋，原來係一間法國小餐廳。餐廳以白色為主調，幾浪漫，好公主feel。雖然地方唔太大，但環境好舒服，燈光柔和。牆上有d白色雪紡小燈罩做裝飾，天花板又有水晶吊燈，感覺似貴價餐廳。
哈哈，佢地仲有播住d好舒服既音樂，但未聽過呢類歌。我問侍應係咩歌黎，竟然係1928年d古典懷舊英文歌，岩晒d緩慢，慵懶既生活節奏。
咁我首先點左杯Cocktail，餐牌上寫住推薦飲品，咁唔洗諗就梗係試下啦，叫Corner Blood。個味似橙汁味，水吧話幫我調甜左，因為我中意飲甜d既酒，有d whisky同gin既酒味。味道幾特別，有西柚汁個種爽口既清甜，岩晒唔係太喜愛重酒味既女士。
到Appetisers啦，係香煎法國鵝肝。個鵝肝煎得恰到好處，多士好脆，內外鬆化，一齊咬落去就岩岩好平衡左塊鵝肝既油膩感。伴碟仲有柚子汁，有清新香味，點一點黎食，為鵝肝多士加添左新清既果味。
湯方面我個人經常飲忌廉湯，所以要求比較高。呢個湯係廚師極力推介，一試果然唔係呃我，未飲過咁濃口感既忌廉湯，多磨菇，牛油味重，勁creamy,有奶味既感覺，係我飲過最creamy既忌廉湯，正！
主菜就係銀雪魚，但價格唔太貴，一個main course都只係二百幾蚊，其實同區西餐廳黎講，價錢好普通，所以大家唔好俾佢門面嚇親。講返個主菜，廚師竟然裝飾到好似禮物盒，哈哈哈，實在太得意啦！佢用左紅蘿蔔同瓜黎切成絲帶狀做裝飾物，再放左d好似豆芽絲置頂。個魚柳係四四方方咁放係中間，有d豆墊底，加添小小顏色。個汁就好Creamy，混合合左紫蘇香草碎，有小小白蘭地味，不過無咸味，比較淡。岩岩好可以配合返個魚肉，因為魚有落調味，魚肉滑溜，熟度控制得剛剛好。食完仲飲左杯茶，幾香濃，個名係Fortnum & mason Breakfast blend，餐廳話專登係外國訂返黎，睇黎佢地幾有心思去提供一流既食物同飲品。
Post
