平均$88 一個人
我哋叫咗個水煮牛肉麵 味道都唔錯 唯獨個面份量好少 但牛肉好多
同埋叫咗個酸菜魚米線 我覺得非常之一般 但啲魚係幾滑
Lunch set係每一個set再跟四樣小菜 小菜味道竟然好食過煮食
嘢飲叫咗杯$43嘅荔枝特飲 我都唔知飲緊啲乜 好難飲 個Menu上面幅圖有好多粒荔枝 但嚟到一粒都冇🥴
再講下啲員工服務態度先
其實講真 服務態度真係一般般 尤其係啲姐姐
舉個例 問佢拎嘢嘅時候 佢唔會答你 但係就直接咁俾你
同埋就係!!!! 廚房入邊有一位廚師係全程拉低口罩
唔係呀嗎 咁嘅時勢竟然唔戴口罩煮嘢食 好唔衛生姐
我希望餐廳會留意吓
