稻坊 (爾巒商場) (Closed)

重陽節假期前夕，諗住近近哋一行7位鄰居去爾巒 滔坊 任食打邊爐雞煲， 由於好多鄰居放工返到爾巒都差不多20:00，故大家約埋20:30 去食，原來20:30 已屬宵夜時段，不設book 位，假期前大家亦都唔介意每位比多$10 收費，一去到就有枱，坐低第一下叫咗個雞煲先，但都等咗15mins 才到，打開見到只有7件雞， 於是即時追落單加雞啦，點知女侍應一接order，已經即係黑面同我講：「仲叫？ 要等好耐架喎！我哋收22:30 吖！」當時只係21:00 唔夠食當然繼續order la，我哋成班人呆等d 雞，由於吉煲等雞，個煲開始有d 燋𤓓味，於是叫侍應嚟加少少湯繼續等雞，但嗰名侍應一嚟到就即刻鏈住個鼻好大聲話：「好臭吖！」之後仲同其他侍應望住我哋張枱竊竊私語，最後21:25 d 雞才到。 21:45 才可以開始打邊爐，食物質素麻麻，d 牛肉薄到透光🤦🏻‍♀️，期間 d 侍應不停行過嚟同我哋講： 「我哋收22:30!」 我哋話我哋知道ga la. 。今時今日這樣既服務態度，唔掛得這食店越來越冷清，再幾平都唔會再嚟幫親受氣。