京都一の傳 (Closed)

其實我好少覺得一間餐廳難食，通常我只係會覺得性價比低，今次人均消費$500 ，$158 三件吞拿魚腩，咁掋，唔新鮮唔好食就一定啦，咁不如講$138 和牛烏冬，$138 都要比個一夾就散嘅平價烏冬我，和牛就唔洗講啦，絕對係屋村家煮牛肉級別，$448 吉列和牛，未入口見到成碟都係油，一入口就成口油，唔係牛嘅油脂呀，係千年油，好彩佢嗰塊唔係靚牛，靚牛唔識煮好浪費嘛，唯有咁樣安慰下自己，最後一定要講$108炸雞，我屋企用氣炸鍋整都好食過佢，最近我喺沙嗲X食到炸雞,好似係$68，好食過佢$108，京都一之傳，仲有人食真係一之傳奇。