NINETYs (些利街) (Closed)

之前已經係灣仔食過一次，對佢哋嘅食物質素都冇失望。喺中環上班嘅我見到喺SOHO電梯些利街新開嘅呢一間分店就梗係衝上去食啦。呢間鋪頭大約坐到20人左右，門面裝修風格同灣仔嘅鋪頭好唔同呢間就光猛好多，但係樓底就比較低。喺呢度食lunch都可能要排少少隊始終都係旺區食飯時間。咖啡質素高，我叫咗一杯Cappuccino, 奶打得好滑。不過好似冇介紹冇灣仔嗰邊咁用心會話返俾你聽啲豆嘅特色同會有啲咩香味。食物方面就帶咗一個Crabbie 同埋一個lunch嘅自選。兩個都係有包有蛋（雖然係自己揀），蛋食得多真係比較濟，始終佢呢度個廚房炒蛋都落唔少油。都鍾意佢個lunch Menu有freestyle你可以揀包又得揀多啲菜又得。希望佢地會加多啲variety 嘅main就好。coffee shop 來講佢都真係算坐得舒服。