Video
Read full review
2011-07-05
6 views
我應該係第2次寫, 真係唔寫唔得, 肯請大家唔好再去, 再去你會好失望！首先由book 位開始, 打過去死氣沉沉, 唔緊要！我book 左今日6點, 9大1小 一家人同阿媽慶祝生日！$138 一位, 我女友鐘意食甜蝦所以先唔食松屋食呢間！聽Friend 講OK, 所以試下, 一試就永世唔會再去！好啦,先講食物質素, 剌身就不過不失, 串燒就無咩味, 最重要係佢d海鹽壽司, 嘩, 粒鹽真係大粒到呢！我阿媽老花都睇到！ 算啦, 大家記住$138+1 係呢d 質素, 放題質素預左係咁！不過估唔到咁差！再講服務質素, 我地係房度食, 冷氣唔夠, 唔緊要！落Order 都無問題！重點黎啦1.我叫剌身, 我10個人佢俾6 件三文魚我, 2件甜蝦, 我真係想笑, 2件甜蝦十個人食, 真係要請佢老細表演下, 唔緊要, 食住先, 再落, 再落都係咁, 不停上D我無叫ge剌身,想點丫？2.佢D waiter 超勁, 入黎房收野帶住個head phone , 叫佢十聲唔應跟住行開左, 我點野食要 自己行出房, 唔知以為去左殘疾人仕康復中心 , 叫極唔聽, 當你無到, 真係佛都有火！3.2小時
首先由book 位開始, 打過去死氣沉沉, 唔緊要！我book 左今日6點, 9大1小 一家人同阿媽慶祝生日！
$138 一位, 我女友鐘意食甜蝦所以先唔食松屋食呢間！聽Friend 講OK, 所以試下, 一試就永世唔會再去！
好啦,先講食物質素, 剌身就不過不失, 串燒就無咩味, 最重要係佢d海鹽壽司, 嘩, 粒鹽真係大粒到呢！
我阿媽老花都睇到！ 算啦, 大家記住$138+1 係呢d 質素, 放題質素預左係咁！不過估唔到咁差！
再講服務質素, 我地係房度食, 冷氣唔夠, 唔緊要！落Order 都無問題！重點黎啦
1.我叫剌身, 我10個人佢俾6 件三文魚我, 2件甜蝦, 我真係想笑, 2件甜蝦十個人食,
真係要請佢老細表演下, 唔緊要, 食住先, 再落, 再落都係咁, 不停上D我無叫ge剌身,想點丫？
2.佢D waiter 超勁, 入黎房收野帶住個head phone , 叫佢十聲唔應跟住行開左, 我點野食要
自己行出房, 唔知以為去左殘疾人仕康復中心 , 叫極唔聽, 當你無到, 真係佛都有火！
3.2小時任食, 中間有20分鐘無野食入黎, 落左order d 野食唔到, 你估打波 拉布咩, 拖延戰術,
咁勁可以去教NBA啦, 要我行出去企係佢bar 台隔離, 望住佢地, d野食先黎, 剌身先多返！補充果陣無咩客！
4.報復你見過未, 我俾人報復, 佢突然黎30-40 件壽司, 我叫個waiter 黎, 我話我邊有叫咁多, 佢走返入
黎串我話我寫10人份量係咁, 佢無野丫話, 我即刻又火都黎, 我話剌身又唔見你俾10人份量我, 又唔見佢俾
100件三文魚我, 佢即刻無聲出, 行返出去, 搵左第二個waiter 同我講sorry 話落錯單！
5.最後, 我食左70分鐘, 佢提我last order, 笑死我, 我剛剛先開始食得正常小小, 食左90分鐘又叫我俾錢先！
好野！趕客！我永世唔會黎！大家想去食ge open rice 朋友真係要三思！
總括黎講, 食物質素係周街放題都搵到, 服務質素就真係香港難尋！哈哈！
Post